Kvar sundag i februar arrangerer Vinje IL vaffelsundag i Jønnardalen.

Vaffelsundagane er eit flott tiltak for å få liten som stor ut på ski. Dei beste vaflane i heile Vinje blir steikt på gamlemåten i ei lita hytte langs skiløypa, utan tilgang på straum.

For å koma hit må du gå om lag 2 km på ski. Parker på Mjåvasskaret, på toppen av Fiskestigen,  og fylg skiløypa innover mot Vehuskjerringa. Hugs småpengar! Ved målet kan du få kjøpt vaflar, kaffi og saft.

 Vinje IL ynskjer alle velkommen!