Qmatec Drilling

Qmatec Drilling AS er ei mekanisk hjørnesteinsbedrift i Vinje kommune, med røter tilbake til etableringa av Nemek i 1966. Verksemda har produsert fleire hundre borerigger, og er i dag spesialisert på rigger for vassboring, energiboring og fundamentering.

All utvikling og produksjon skjer i eigne lokale i Vinje, frå design til ferdigstilling. Riggene er kunde- og brukartilpassa og blir leverte til kundar i Noreg og internasjonalt. I tillegg tilbyr Qmatec Drilling boreutstyr og komplette totalløysingar. Verksemda satsar på lokal rekruttering og har ein erfaren arbeidsstokk med høg fagkompetanse.