Forsvarsmuseet i Vinje gjev eit sterkt og nært møte med krigshistoria i Vinje og Vest-Telemark. Museet er eigd av Vinje kommune og blir drifta av Venelaget for Vinje Forsvarsmuseum.
Hovudfokuset er kamphandlingane i Vinjesvingen i 1940 og kvardagslivet under krigen. Gjennom gjenstandar, bilete og forteljingar får du innblikk i dramatiske hendingar, lokale skjebnar og forsvarsoperasjonar som fann stad i nærområdet. Utstillingane knyter saman den store verdshistoria med det som hende nett her – i bygdene, i landskapet og blant folk.
Museet har òg som mål å formidle forsvarshistoria i Vinje og Vest-Telemark breiare, med særleg vekt på personar og operasjonar med lokal tilknyting. Formidling til ungdom står sentralt, og skuleklassar er difor hjarteleg velkomne til omvisingar og undervisningsopplegg.
Forsvarsmuseet er ope for omvising i sommarsesongen. Det er også mogleg å bestille guida omvising utanfor sesong etter avtale.
Bilder: Forsvarsmuseet
