Samankomstar
Byting – sitjande konsert med historiar og musikk
Opplev Byting på ein heilt ny måte når bandet inviterer til ein av berre to sitjande konsertar denne hausten.
I denne spesielle konsertforma står låtane, tekstane og historiene i sentrum. Publikum får kome tettare på både musikken og menneska bak songane, med forteljingar om livet, karakterane og hendingane som har inspirert nokre av Byting sine mest kjende låtar.
Byting frå Bø i Telemark har gjennom meir enn ti år etablert seg som eit av dei mest populære banda innan norsk roots, folkrock og country. Mange kjenner også musikken frå NRK-serien Rådebank. Med sterke tekstar, høg musikalsk kvalitet og over 75 millionar strøymingar har bandet opparbeidd seg eit stort publikum over heile landet.
Denne kvelden blir ei sjeldan moglegheit til å oppleve Byting i eit nært og intimt format der historieforteljinga får like stor plass som musikken.
📍 Vinjehuset
🕖 Kl. 19.00
🎟 Billettpris: kr 420,-
Velkomen til ein kveld med historier, musikk og Byting på sitt mest personlege.
Laurdag 28. november inviterer me til joleopning i Åmot sentrum! Det blir jolemarknad, gratis joleverkstadar, joleparade, fakkeltog og tradisjonell jolegrantenning. Ta med familie og vener til ein triveleg førjolsdag i Åmot!
Program for dagen
- Kl. 10.00–15.00 | Jolehandel i sentrum
Butikkane held ope med gode tilbod. - Kl. 11.00–21.00 | Vinjekroa
Held ope og serverer joletallerken. - Kl. 12.00–15.00 | Joleverkstadar
Gratis aktivitetar for heile familien hjå fleire bedrifter i sentrum. - Kl. 13.00–16.00 | Jolemarknad ved Silkevippa
Lokale utstillarar, fyr i bålpanna, gløgg og pepperkaker. - Kl. 13.00–16.00 | Groven
Inviterer til grautservering. - Kl. 15.00 | Joleparade og fakkeltog
Frå Groven Camping til hotelltomta. - Kl. 15.30 | Jolegrantenning
Song, gang rundt joletreet og kanskje besøk av jolenissen!
Nytt i år – joleverkstad i sentrum!
I år inviterer næringslivet til gratis joleverkstadar rundt om i sentrum. Her kan borna vere kreative og lage noko fint til jol!
- Galleri R.K.D, Fristadsenteret: Lag dine eigne jolekort.
- Draumheim, Fristadsenteret: Lag jolepynt.
- Blomen, Bratlandsbygget: Lag koppar med fuglemat i hagen.
- Groven camping: Pynt pepperkaker.
Alle aktivitetane er gratis. Born må vere i følgje med ein vaksen.
Jolemarknad ved Silkevippa
Silkevippa og Vinje Næringslag inviterer til tradisjonell jolemarknad i tunet ved Silkevippa.
Her blir det lokale utstillarar, sitjebenkar, fyr i bålpanna og gratis gløgg og pepperkaker.
Nytt i år – bli med på joleparaden!
I år inviterer me til eit litt annleis fakkeltog gjennom Åmot sentrum!
Me ynskjer å samle små køyretøy som mopedbilar, UTV-ar, firehjulingar og tråtraktorar. Spark og kjelkar er også velkomne, dersom vêr og føre tillèt det.
Pynt gjerne med lys, glitter eller granbar – her er det berre fantasien som set grenser! ✨ Hugs berre å ta omsyn til sikt og tryggleik.
Vinjebilberging leier paraden frå Groven Camping, vidare forbi Forsvarsmuseet og fram til hotelltomta.
Me inviterer også alle små og store nissar til å bli med i fakkeltoget bak paraden! Finn fram nisselua, mal deg raude kinn og kanskje nokre fregner på nasen – så fyller me gatene med smånissar og jolestemning!
Tryggleiken kjem fyrst, og me tek difor atterhald om vêr- og føreforhold for gjennomføring av paraden.
Jolegrantenning og nissebesøk
Me avsluttar dagen med tradisjonell jolegrantenning på hotelltomta. Her blir det jolesongar og gang rundt joletreet.
Og kven veit – kanskje er me heldige og får besøk av sjølvaste jolenissen?
Velkomen til ein stemningsfull førjolsdag i Åmot!
Bli med og bygg årets pepperkakebygd!
Finn fram pepperkakedeigen og kreativiteten! Bygg eit kjent hus frå Vinje, eller lag ditt eige fantasibyggverk.
Alle kan delta, og byggverka blir stilte ut på Fristadsenteret i Åmot.
Konkurranse med flotte premiar!
- 1. premie: 4 000 kr
- 2. premie: 2 000 kr
- 3. premie: 1 000 kr
I tillegg kan publikum stemme fram sin favoritt!
Viktige datoar
- 1. desember: Utstilling og innlevering opnar.
- 20. desember: Siste innleveringsfrist.
- 21.–30. desember: Publikumsavstemming.
- 5. januar: Kåring og premieutdeling.
Innlevering: Draumheim på Fristadsenteret.
Reglar: Pepperkake med etande pynt. Maksimal grunnflate 40 × 40 cm.
Me gler oss til å sjå Pepperkakebygda Åmot vekse fram!
Møt Ben Ward – engelskmannen som bytte ut storbylivet i London med eit liv på Kroken gard, spektakulært plassert på ei fjellhylle 300 meter over Sognefjorden.
Gjennom NRK-serien Der ingen skulle tru at nokon kunne bu har Ben Ward blitt kjend for si historie om å skape eit nytt liv på ein av dei mest særmerkte gardane i landet. I dette foredraget deler han erfaringar, utfordringar og gleder frå livet på Kroken gard, og fortel om kvifor han valde å slå seg ned nettopp der.
Foredraget blir halde på engelsk.
Velkomen til eit inspirerande møte med ein av dei mest kjende profilane frå den populære NRK-serien.
Prisar
Voksen: 250,00
Medlem: 200,00
Kontaktinfomasjon
Folkeakademiet Vinje
Tlf: 95897895
E-post: signe.marie.kittelsaa@nenett.no
Bli med på ei musikalsk reise gjennom historia til eit av verdas mest legendariske rockeband når Fortunate Sons tek med seg suksessframsyninga Creedence StoryNight tilbake til scena.
I Creedence StoryNight Revisited blir dei største låtane til Creedence Clearwater Revival kombinert med historier, anekdotar og tilbakeblikk på musikken som har begeistra generasjonar av fans. Publikum får oppleve både dei velkjende klassikarane og forteljingane bak songane i ei oppdatert og vidareutvikla utgåve av den populære framsyninga.
For ti år sidan spelte den originale StoryNight for fulle hus over heile landet. No er suksessen tilbake i ny drakt – med meir energi, fleire musikalske høgdepunkt og ei endå sterkare hyllest til Creedence-universet.
Velkomen til ein kveld fylt med udøyelege rockeklassikarar og gode historiar.
Prisar
Pris: 400,00
Kontaktinfomasjon
Vinje Kommune
Tlf: 35062170
E-post: synne.aasland@vinje.kommune.no
Litteraturdagane på Vinjesenteret 24.–27. september 2026.
Den tradisjonsrike litteraturfestivalen samlar kvart år forfattarar, formidlarar og litteraturinteresserte til inspirerande dagar med samtalar, føredrag og kulturopplevingar i hjartet av Vinje. Festivalen har sidan oppstarten utvikla seg til å bli ein viktig møteplass for litteratur, språk og journalistikk.
Program og meir informasjon blir publisert fortløpande.
Følg med for oppdateringar og komande programslepp.
Tysdag 15. september kl. 12.00–13.30 inviterer Folkeakademiet Rauland/Tokke/Vinje til foredrag med Trond Vernegg på biblioteket i Åmot.
Det norske språket er i stadig endring og møter press frå fleire hald. Kva skjer med språket vårt, og kva skal til for at norsk held fram med å vere eit levande og sterkt språk?
Trond Vernegg er kjent for å engasjere, provosere og begeistre. Han tek publikum rett inn i ein aktuell språkdebatt – og samtala held gjerne fram lenge etter at foredraget er ferdig.
Stad: Biblioteket i Åmot
Tid: Tysdag 15. september kl. 12.00–13.30
Pris:
Vaksen: 200 kr
Medlem: 100 kr
Velkomen til eit engasjerande møte om framtida til det norske språket.
Arrangør: Folkeakademiet Rauland/Tokke/Vinje
Telefon: 958 97 895
E-post: signe.marie.kittelsaa@nenett.no
Fredag 11. september kl. 20.00–22.00 inviterer Folkeakademiet Vinje til folkemusikkpub på Vinjehuset med Ottar Kåsa og Johannes Martens.
Tittelen «Grovt og grant» er inspirert av samspelet mellom Myllarguten og Håvard Gibøen. Når dei spela i oktav til kvarandre, kalla dei det «grovt og grant». Det same samspelet står sentralt når Kåsa og Martens møtest med hardingfele og hardingcello.
Dei to musikarane var begge med i strykekvintetten som framførte tingingsverket Istem under Telemarkfestivalen i 2025. Instrumenta i kvintetten hadde understrengar, og alle var laga av hardingfelespelar og felemakar Ottar Kåsa.
I «Grovt og grant» utforskar Kåsa og Martens samspelet mellom hardingfele og hardingcello vidare. Hardingcelloen har ei ekstra femte streng øvst, tilsvarande toppstrengen på hardingfela. Det gjer det mogleg å spele tradisjonelle slåttar ein oktav lågare og skaper ein heilt eigen, djup og suggererande klang.
Ottar Kåsa er ein av dei fremste tradisjonsberarane innan hardingfelespel frå Telemark, og er oldebarn av Myllarguten. Johannes Martens er klassisk utdanna cellist og har arbeidd mykje med både folkemusikk og barokkmusikk.
Stad: Vinjehuset
Tid: Fredag 11. september kl. 20.00–22.00
Kjøp billettar:
https://checkout.ebillett.no/279/events/425/purchase
Arrangør: Folkeakademiet Vinje
Telefon: 958 97 895
E-post: signe.marie.kittelsaa@nenett.no
Sondag 6. september kl. 11.00–14.00 inviterar Barnas Turlag Vinje til Kom deg ut-dagen på Furufjell på Hyllandsheia.
Ta med familien og bli med på ein triveleg tur til Furufjell! Turbo står klar på parkeringsplassen frå kl. 11.00 til 11.30 for å ynskje små og store god tur.
Turen er om lag 1,5 km ein veg og passar fint som familietur. Langs vegen opp mot toppen blir det natursti. Hugs å ta med svarark frå start! Det blir også utrekkspremiar blant dei som fullfører naturstien.
Praktisk informasjon:
- Tid: Sondag 6. september kl. 11.00–14.00
- Stad: Furufjell på Hyllandsheia
- Start: Fiskestigen mellom Åmot og Øyfjell
- Lengde: Ca. 1,5 km til toppen
- Parkering: Parkeringsplassar både før og etter skiltet til Furufjell
Pakk sekken, ta med godt humør og bli med ut på tur. Me håpar å sjå mange turglade familiar denne dagen!
Les meir om turen til Furufjell:
https://visitvinje.no/oppleving/furufjell/
Arrangør: Barnas Turlag Vinje
Telefon: 478 40 948
E-post: juneverstod@gmail.com
Torsdag 3. september kl. 17.30–20.00 inviterer Tokke/Vinje hagelag til inspirasjonskveld på Vinjehuset.
Tema for kvelden er laukar i hagen, og Tommy Tønsberg kjem for å dele kunnskap, tips og inspirasjon til korleis du kan skape ein fargerik og spennande hage med laukplantar.
Det blir ein koseleg kveld med fagleg påfyll, hyggeleg prat, kake, kaffi og utlodning.
Stad: Vinjehuset
Tid: Torsdag 3. september kl. 17.30–20.00
Pris: Gratis inngang
Velkomen til ein triveleg og inspirerande hagekveld!
Arrangør: Tokke/Vinje hagelag
Telefon: 905 04 897
E-post: mheggtveit@gmail.com
Tysdag 22. september kl. 18.00–20.30 inviterer Vinje kommune til innbyggjarmøte på Vinjehuset om bygging av omsorgsbustader i Åmot og vidare utvikling av Vinje sjukeheim og Vinje helsesenter.
For å finne gode og framtidsretta løysingar ynskjer kommunen innspel og medverknad frå innbyggjarane.
På møtet blir det mellom anna:
- orientering om behov og planar frå kommunedirektør og kommunalsjef for Helse og meistring
- presentasjon frå Agenda Kaupang om framtidige behov og tilrådde grep
- førebelse skisser frå Sør Arkitekter
- tid til spørsmål, innspel og dialog
Ordføraren leier møtet, og det blir enkel servering.
Stad: Vinjehuset
Tid: Tysdag 22. september kl. 18.00–20.30
Velkomen til å høyre meir om planane og kome med innspel til korleis framtidige bu- og omsorgstilbod i Vinje bør utviklast.
Meir informasjon:
https://www.vinje.kommune.no/aktuelt-pa-forsiden/2026-08-24-framtidsretta-bu–og-omsorgsloysingar-i-vinje
Spørjeundersøking for deg over 50 år:
https://www.vinje.kommune.no/aktuelt-pa-forsiden/2026-08-25-korleis-vil-du-bu-i-framtida—sporjeundersoking-til-deg-over-50-ar
Arrangør: Vinje kommune
Telefon: 35 06 23 00
E-post: postmottak@vinje.kommune.no
Fredag 4. og laurdag 5. september blir det to dagar med musikk, kulturhistorie og handverk på Neset Gard.
I år blir Nesetdagane og Kulturminnedagen samla til eitt arrangement, med eit variert program i historiske omgjevnader.
Fredag 4. september kl. 18.00–22.00 kjem Knut Buen til den freda Torvetjønnstoga frå 1715 med konserten «Å metta seg vel til sogur og spel». Etter konserten blir det servert «Bodils kjærleiksuppe» i Fjoset.
Laurdag 5. september kl. 13.00–22.00 blir det omvising på tunet, minikurs i brikkevev med Anne Mari Jore og trykking på skinn eller tekstil med Bente på Neset. Kvelden blir avslutta med konsert med Anne Gravir Klykken og Jon Solberg. Etter konserten blir det servert suppe med brød.
Det er avgrensa tal på plassar innandørs, og påmelding til både konsertar og kurs må gjerast på førehand.
Tid:
Fredag 4. september kl. 18.00–22.00
Laurdag 5. september kl. 13.00–22.00
Stad: Neset Gard
Prisar:
Vaksen: 400 kr
Barn: 200 kr
Festivalpass: 700 kr
Velkomen til ei innhaldsrik kulturhelg på Neset Gard!
Arrangør: Rauland Utvikling ANS
Telefon: 908 70 700
E-post: bente.tvenge@gmail.com
Heimeside: http://www.neset-telemark.no
Laurdag kveld blir det fest på Vinjehuset når Oddbjørn Holla & The Boots Band gjestar Vinjedagen.
Bandet frå Notodden har gjennom fleire tiår etablert seg som eit av landets mest populære country- og danseband, med ei rekkje albumutgjevingar, radiofavorittar og konsertar over heile Noreg. Publikum kan vente seg ein kveld fylt med speleglede, høg musikalsk kvalitet og fengjande låtar som inviterer til både allsang og dans.
The Boots Band er kjende for energiske konsertar der country, rock og humor går hand i hand, og er klare for å skape skikkeleg feststemning på Vinjedagen.
🎵 Konsertstart ca. kl. 22.00
🎟 Billettpris: kr 400,-
🔞 18 års aldersgrense
📍 Vinjehuset, Åmot
Velkomen til årets Vinjedagsfest!
Kontaktinfomasjon:
Vinje kommune
Tlf: 35062170
E-post: synne.aasland@vinje.kommune.no
